O cambio climático 

 O cambio climático é a maior ameaza  medioambiental á que se enfronta a humanidade. As emisións constantes e desproporcionadas por parte dos países industrializados, entre outros abusos dos recursos naturais, están provocando graves modificacións no clima a nivel global.

As súas consecuencias afectan sobre todo a países en vías de desnvolvemento e son: inundacións, seca, furacáns e todo tipo de desastres naturais que deixan á poboación desvalida e sen medios para subsistir.

Causas do cambio climático

As variacións climáticas existiron desde as orixes da Terra. O noso pequeno planeta asistiu durante a súa larga vida a períodos de glaciacións, actividade sísmica continuada e fortes radiacións solares.

Sen embargo, hoxe en día asistimos a un cambio climático global, onde as causas naturais xogan un papel pouco importante. A comunidade científica coincide en que os cambios no clima son provocados en gran medida polo home. Actividades como a tala de árbores, o mal uso da auga potable, a sobreexplotación das terras alimentan un fenómeno que non fai máis que acrecentarse. De entre todos os factores, a emisión de gases por parte dos países industrializados é probablemente un dos que máis empeoran a situación, provocando un quencemento mundial que ten tráxicos resultados.

Consecuencias do cambio climático

O impacto do cambio climático está ocorrendo aquí e agora. Entre as súas consecuencias observamos:

   - Fusión dos casquetes polares, que provoca un aumento no nivel do mar
   - Climatoloxía extrema
   - Desaparición de especies de animais e plantas
   - Aumento masivo e desproporcionado de fenómenos naturais como ciclóns, furacáns, desbordamentos  de ríos, etc.
   - Vulnerabilidade dos países empobrecidos.

Cristina Cabaleiro